Праграма Фулбрайт для навукоўцаў і даследчыкаў(-чыц) (FVSP)

The Fulbright Visiting Scholar Program (FVSP) прапануе магчымасць даследчыкам(-цам), выкладчыкам(-цам) універсітэтаў і экспертам(-кам) у розных галінах, якія маюць ступень кандыдата(-кі) або доктара(-кі) навук, праводзіць даследаванні, чытаць лекцыі або сумяшчаць чытанне лекцый і даследаванні ў адным з універсітэтаў ЗША. Працягласць праграмы складае 3-6 месяцаў.

Усе кандыдаты(-кі) мусяць быць прафесійна звязаныя з універсітэтамі ці даследчымі ўстановамі (у тым ліку НДА) у Беларусі ці іншых краінах. Асаблівая перавага будзе аддавацца кандыдатам(-кам), якія валодаюць здольнасцю і імкненнем у поўнай меры скарыстацца праграмай даследаванняў або чытання лекцый у амерыканскай акадэмічнай установе і якія гатовы падзяліцца сваім досведам і ведамі пасля вяртання.

Досвед удзелу ў праграме Фулбрайт мусіць быць каштоўным не толькі для самога(-ой) стыпендыята(-кі), але і для яго/яе арганізацыі, а таксама для прымаючай амерыканскай ВНУ. Удзельнікі(-цы) праграмы Фулбрайт выступаюць у якасці “культурных амбасадараў(-ак)” і павінны быць гатовымі дзяліцца інфармацыяй аб сваёй краіне, культуры і даследаваннях з акадэмічнымі і больш шырокімі аўдыторыямі.

Даведайцеся больш аб праграме ад яе былых удзельнікаў і ўдзельніц:

Патрабаванні да кандыдатаў(-ак)

 Зацікаўленыя кандыдаты(-кі) таксама мусяць:

  • мець беларускае грамадзянства;

  • мець навуковую ступень кандыдата навук або доктара навук (аналаг PhD);

  • добра валодаць вуснай і пісьмовай англійскай мовай;

  • мець магчымасць атрымаць медыцынскае пасведчанне аб задавальняючым стане здароўя.

Фінансаванне

Праграма цалкам фінансуецца Дзяржаўным дэпартаментам ЗША і ў перыяд дзеяння гранта аплачвае:

  • міжнародныя пералёты;

  • штомесячную стыпендыю на працягу ўсяго перыяду праграмы;

  • дадатковыя адначасовыя выплаты на набыццё літаратуры, уладкаванне на новым месцы і г.д.;

  • візавую падтрымку і дадатковую штомесячную стыпендыю на суправаджаючых членаў сям’і (муж/жонка, непаўнагадовыя (да 21 года) незамужнія/нежанатыя дзеці);

  • медыцынскую страхоўку.

Працэдура падачы заяўкі

Прыём заявак на дадзеную праграма звычайна адбываецца ў снежні-студзені адзін раз на год. У цяперашні момант заяўкі на дадзеную праграму не прымаюцца. Калі ў вас ёсць пытанні аб праграме, калі ласка, звяжыцеся з намі па адрасе belarus@americancouncils.org

Да заяўкі трэба прыкласці наступныя дакументы:

  • падрабязнае апісанне праекта запланаванай дзейнасці па правядзенні даследаванняў/лекцый у ЗША;

  • дэталёвае рэзюмэ;

  • тры (3) рэкамендацыйныя лісты;

  • бібліяграфія (у выпадку правядзення даследванняў) і/або навучальны план (у выпадку правядзення лекцый);

  • запрашэнне ад амерыканскай установы вышэйшай адукацыі (не абавязкова, пры неабходнасці праграма аказвае дапамогу ў пошуку прымаючай установы ў ЗША);

  • копіі дакументаў, якія пацвярджаюць наяўнасць акадэмічнай ступені кандыдата(-кі) ці доктара(-кі) навук (PhD);

  • копію пашпарта.

Адбор кандыдатаў(-ак) для ўдзелу ў праграме ажыццяўляецца аддзелам публічнай дыпламатыі Амбасады ЗША ў Беларусі пры падтрымцы Амерыканскіх саветаў па міжнароднай адукацыі. Кандыдаты(-кі), якія прайшлі папярэдні адбор, будуць запрошаны на інтэрв'ю.

________________________________________________

Праграма дае роўныя магчымасці ўсім суіскальнікам(-цам) і не дапускае дыскрымінацыі па прыкмеце расы, колеру скуры, полу, рэлігіі, нацыянальнага або этнічнага паходжання, роднай мовы, інваліднасці або абмежаваных магчымасцяў.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час.